1. Detention camp ya Holot ifungiyemo abagabo gusa kandi bakomoka muri Sudan na Eritrea gusa. Ese aba ni bo bonyine, byaba mu Banyafrica cg abandi, basaba ubuhunzi muri Israel ?
2. Niba atari bo gusa se, barusha ubwinshi abandi basaba ubuhunzi muri icyo gihugu ? Abanyecongo, Abasomali, Abakurdes …?
3. Kuki ari bo batoranijwe bagakusanyirizwa hamwe nk’infungwa kandi atari ko abandi basaba ubuhunzi bafatwa ?
4. Kuki batigiwe dosiye z’ubuhunzi buri muntu ku giti cye nk’uko amategeko agenga impunzi ubundi abiteganya ?
5. Abafite imiryango bizabagendekera bite ? Iyo miryango izabasanga cyangwa ?
6. Kuki u Rwanda ari rwo rwatoranijwe ? Ese nta bindi bihugu byashoboraga kubakira ?
7. Aba bantu bazaza iwacu bafite iyihe statut ? Ni impunzi se, bazaba bari muri transit berekeza ahandi hantu se, bazahabwa ubwenegihugu se … ?
8. Bazamara igihe kingana iki ?
9. U Rwanda ruzabatuza he, ruzabatungisha iki, bazavuzwa na nde, bazakora iki … ?
10. Ni nde wafashe icyemezo cyo kubazana ?
11. Uwafashe icyo cyemezo se abiherwa uburenganzira n’amategeko ?
12. Ese mu Rwanda hari itegeko rigenga gahunda nka bene izi ?
13. Ese iyi gahunda yigeze igibwaho impaka mu nama ya guverinoma ?
14. Ese hari amafaranga yayiteganirijwe mu ngengo y’imari ?
15. Ese Parlement yagishijwe inama ?
16. Niba Parlement itaragishijwe inama se, aho ibimenyeye ivuga iki kuri iyi gahunda ?
17. Ese abaturage bigeze babimenyeshwa ?
18. Ese HCR na UN muri rusange bagishijwe inama cg iyi ni gahunda y’u Rwanda na Israel gusa ?
19. Ese amafaranga azatangwa na Israel azahabwa nde, azacungwa na nde, azakoreshwa ate ?
20. Niba iyi gahunda nta hantu igaragara mu igenamigambi rya leta, nta muyobozi muri leta wagombye gukora kuri aya mafaranga. Azacungwa n’ibigo byigenga se cg abantu ku giti cyabo ?
Ibibazo ni umurundo …….
Louis Rugambage
