IGIHE N’ IKI 11/17/17: FPR MUMUGAMBI WO KURIMBURA RAYON SPORT NO GUSIBA AMATEKA. Kagame akomeje kuba ku mwanya wa mbere muri baruharwa b’abicanyi. Icyo ategetse nicyo kiba!!!!!!!!! Urupfu rwa Ndikubwimana Hamad Katauti rurimo politiki nyinshi cyane yatangiye cyera aho leta ya FPR yashatse gusibanganya amateka ya Raryon Sport cyane cyane ko usanga FPR ishaka kugirango yibagize amateka yose idafitemo uruhare cyangwa inyungu. Iyo hano tuvuga FPR mushaka mwakumva Kagame kuko nta FPR nta Kagame.
Intwari Karegeya yigeze kuvuga mu kiganiro ko Kagame arwaye Rayon Sport. Ibyo yabivuze kera. Ibyo byari ukuri. Hari ibindi bimenyetso byo muri 1995 cyangwa 1996, ubwo General Kayumba yari umukuru wa Gendarmerie ariyo yabaye Police Nationale yasabaga ko hari abakinnyi ba Rayon Sport bafungwa ati ba rutahizamu ba Rayon Sport babafunge kugeza igihe umupira urangiriye. Ibi ntibashoboye kubikora ariko birerekana ko ibya Rayon Sport byatangiye kera. Icyakurikiye ni uburyo iyo kipe yagiye igambanirwa haba mu buryo bwo kugura abakinnyi haba mu kugurisha amatiki ku bibuga. Bayirwanije kuva APR yashingwa, iyi kipe ihabwa amafaranga n’abasirikare n’aho Rayon Sport iyahabwa n’abakunzi bayo bakomeje kwihagararaho nubwo yari ibangamiwe na leta. Ejo bundi rero hari ikiganiro cyahise kuri BBC Gahuza Miryango, aho Ndikumana Katauti yavugaga ibibazo biri muri FERWAFA.
Kutaliki ya 15 z’uku kwezi abantu batunguwe no kumva ngo Katauti yapfuye. Yakiniye ikipe y’u Rwanda, banze kumuha ubwene gihugu. Umunsi bamushyinguye babisubiyemo ko yababazwaga n’uko bamwimye ubwene gihugu. Mu makuru rero agenda avugwa n’uko nyuma yo gutoza abakinnyi ejo bundi mbere y’uko apfa hari uwamuhamagaye akaba yaragombaga kujyana na Olivier ariko Olivier ntiyajyayo agenda wenyine ubwo nibwo yatahaga ageze iwe ararwara bamuhaye fantan go ayinywe arayiruka bamwihutana kwa muganga bamugejejeyo banga kumwakira ngo ntibakira abapfuye bakira indembe. Abari bamutwaye baraye bamuzererena. Hano umuntu yakwibaza byinshi. Urupfu rwa Katauti rwahuriranye n’ifatwa rya Olivier Karekezi umutoza mukuru wa Rayon Sport, inyuma yabyo haba hihishe iki? Uburyo byahuriranye, bari bariwe batoza ikipe uwo munsi wo ku wa gatatu batandukana nimugoroba buri wese akajya ukwe, mu ma saha yine Katauti agapfa bagahita batangaza ifatwa rya Olivier harimo ikintu. Bamwe bavuga ko bafashe Olivier ngo atazavuga uko byagenze kuko bishoboka ko bari bamuhaye uburozi budahutiraho bibwiraga ko azapfa nyuma y’igihe nkuko basanzwe babigenza kubandi ariko siko byagenze ahubwo baribeshye bamuha ubutaraza bituma bahungisha Olivier ngo atabazwa byinshi akavaho avuga ukuri dore ko ari umuvandimwe wa Cesar Kaizari wari wigeze kuba umukru wa FERWAFA akaba nawe atorohewe muri iki gihe muri kiriya gihugu. Ubwo bazamurekura barangije ku muhanagura ubwonko.
Nyuma y’isesengura rikorwa n’abantu benshi ku mpfu za hato na hato zibera mu Rwanda by’umwihariko hano turavuga iziba mu ba nyamuryango ba Rayon Sport. Izo mpfu rero zaba zigamije iki? Ubwo bwicanyi bw’abantu bakomeye muri Rayon Sport bugamije guca intege iyo kipe n’abayishigikiye bose dore ko imbaga nyamwinshi y’abanyarwanda iri inyuma yiyo kipe ya ruhago kuva kera mu mateka yayo. Kubera gushimisha abanyarwanda itsindira ibikombe bikomeye byayiviriyemo gukundwa na benshi. Rayon sport irazira kuba abayobozi bayo baranenze imikorere ya FERWAFA. Nyuma y’urupfu rwa Katauti na Gangi n’ifungwa rya Olivier Karekezi, umuyobozi wa’APR yivugiye ku mugaragaro ko hari n’abandi bari ku rutonde rw’abazicwa. Birababaje kubona mugihe Rayon Sport n’abanyarwanda muri rusange bari bacyunamiye bariya bakinnyi babiri, umuyobozi wa APR agatinyuka agatangaza ngo barimo barapfa ari benshi ati ahubwo musenge cyane kuko hari n’abandi bashobora gukurikiraho bagapfa.
“Umuvugizi wa APR FC asanga Rayon ikwiye gusengerwa ngo umuyobozi wayo atitaba Imana” Ibi byanditswe kuya 16-11-2017 Saa 16:30′, Na Jah D’Eau Dukuze , bikaba byarasohotse mu kinyamakuru RUHAGOYACU. Umuvugizi w’ikipe ya APR FC Kazungu Clever asanga hari ikidasanzwe cyihishe inyuma y’imfu zimaze iminsi zibasiye ikipe ya Rayon Sports, aho kuri we nta gikozwe iyi kipe ishobora kwisanga itakaje umwe mu bayobozi bayo mu minsi ya vuba. Ibi Kazungu Clever akaba yabitangarije abanyamakuru ku rubuga rwa Whattsapp mu buryo bwa “Broadcast message” akunze kwifashisha mu gutanga amakuru ya APR FC ndetse n’ayandi atandukanye yo mu karere.
Ubu se ikitumvikana hano n’iki? No ku bwa Habyarimana yari ikunzwe cyane bigeze aho Habyarimana nawe yashatse kuyisenya bikamunanira ngo kubera ko ariyo kipe ya ruhago yonyine yatwaye igikombe cyari cyaritiriwe Habyarimana. Erega amateka y’u Rwanda agenda yisubiramo.
Ubu se hakorwa iki? Kagame ntashaka umuntu ugira amafaranga yigengaho niba utamupfukamiye ueabizira ninayo mpamvu yishe Rwigara kuko ntiyashakaga ko agira amafaranga yigengaho na Rayon Sport rero nicyo iri kuzira Kagame ntashaka ko igira amafaranga yigengaho ngo ntayagireho uruhare.
Arabeshya ntabwo tuzamuramya na Diane ntazamuramya, Ingabire Victoire ntazamuramya, abanyarwanda twese ntabwo tuzamuramya
Asumani Gakuba
London, UK
